قلت العفو ما يجتمع حب وهبال.. }..!!••

قالت ترى منت بـحلو قلـت رجـال
والزيـن ماهـو مـن شروط الرجوله


الزيـن يلقى عـنـد لباسة الـشـال
والرجـل زيـن ان كـان زانـت فعوله


قالـت علامـك تـلبس شـمـاغ وعـقـال
انـت بـدوي؟قلت بـدوي ومـن حموله


ما ألبس بـنـاطـيـل لها الـوان واشكـال
وامـتر الـشارع بعرضـه وطوله


قـالـت اجـل راعـي مـعاميل ودلال
شـرب القهـاوي تـحـسـبونه بطولـه


كـيفي يـابنت الـحضر دله وفنجال
وحليـب خلفـه بالمـراح مـعقوله


وحـب الكـرم والجـود وعلـوم الابطـال
مغـروس فـينا من زمان الـطـفوله


قالت ترى بنت الاجاويد حـظها مـال
قلـت احـذري حـذرا تـكوني جهوله


بنـت الاجاويد يـابنت مـضـرب للامثال
فوق الجمـال وطـاعة الله خجولـه


ماحطت اصـبـاغ ولا حـطت ظـلال
ولا سـيرت بالسـوق سـير مـهبوله


هي مهرةٍ تـصـعب علـى كـل خيـال
وانـتي ومثلـك عـسفهن بـالـسـهوله


قالت تغزل بي وشـف حبـة الخـال
نـاظر عيونـي والـرموش الـكسوله


قلـت الـعفو مـايـجـتـمـع حب وهـبـال
ولكـل ذوق فالمزايين جـولـه


قـلتي وقلـت وكـلمة الـصـدق تنقال
الزيـن ماهـو مـن شروط الرجوله

مسروقـ هع